"صحة قاع الحوض ... قرارك، قوتك"

 مرحبا عرين كيف الحال بحب اقلك اني ولدت مبارح والحمدلله كانت ولادة طبيعية واهم اشي عملت تمارين التنفس وكلشي علمتيني اعمله فترة الحمل وخلال الولادة عملته بالزبط مثل ما حكتيلي ومكنش في حاجة لابرة ايبدورال ولا طلق صناعي لانه كان التفتح 5 اعطوني خلال الولادة غاز الضحك لاني توجعت من قوة الطلق المهم طلعت بنفسية حلوة شكرا الك حبيبتي عرين على اخلاصك في الشرح خلال الدورة استفدت منها كثير بتجربتي بالولادة❤️🌹 

 خالتو عرين مرحبا انا الين انا وماما منحب نقلك انو احنا مناح ، مرقنا فترة كانت صعبه ع الماما من الوجع بس الحمدلله هي هسا بخير شكرا كثير انك كنتي جزء من ولادتي ، كلماتك وحكيك كانو ببال الماما طول الوقت شكرا لكونك جزء من الفتره الحلوة اللي عشناها انا وماما 🩷 

 حبيبتي وعزيزتي عرين شكرا كثير كثير كثير هالاهتمام ابسطتيني جدا😍 يبارك بعمرك يارب. بفضل ربنا وبفضلك! الحمدلله عكلشي.. عملت كل تهليخ الليدا الطبيعية ووصلت تفتح ١٠ قاموا ودوني عقصيري دحوف عشان راسه زايح عن القناة شوي ومعرفناش نرجعه ولو بأي تمرين. شوي نفنست بس لما شفته طبعا كلشي انتسى الحمدلله انه بخير وصحة وسلامة🙏🏻 

 صباح الخير ☀️ كيفك عرين انا يوم الاثنين خلفت وكل يوم بقول بدي اوديلك هوداعاه وبنسى بقت ولادة سهله وميسره الحمد لله اخذت ايبيدورال صراحه بس على تفتح ١٠ صراحه بس عشان اركز بالشد مش بالوجع لانه صراحه لما قلتلهن بدي ايبيدورال خلص مش غادرة قلولي ااه بنفع عاساس اني انا مكنتش متقدمه من ناحية تفتح لانه بقت قبلها بشوي فاحصيتي وقلولي عندي التفتح بكوشي ٤ لما اجت تفحصني قبل الايبيدورال بتقلي الولد نزل بالحوض والتفتح عندك ١٠ شوي وبصير ببلوس ٢ بس مع هيك بقول خذي ايبيدورال لانه بقيت شوي وبدي اصفرن والحمد لله مقصوش اشي بس صار في قطب بس قطبتين ومش حاسه فيهن بالمرة لا وجع ولا اشي وبتحرك كثير عادي القطب خارجيات مش من جوا 

 مرحبا رين حبيت اتشكرك كثير ع كلشي الحمد لله يوم السبت عال٤ الصبح اجا ابننا من يوم الخميس المغرب وانا عندي طلق وبقوى، لولا التنس والحركات والتنفس بعرفش كيف كنت بتحمل اخذت ابرة بعد تفتح ٤، والحمد لله بعد ما وصلت لتفتح ١٠ الولادة كانت كثير كثير كثير سهلة وسريعة وطلعت بدون قص او قطب يعطيك العافية بدي ارجعلك التنس، كيف ووينتا بناسبك 

امراة تحضرت عندي لولادة اولى

 يسعد اوقاتك عرينوش 🤍 شو الوضع؟ هاي الرسالة لازم كنت ابعثلك اياها من قبل بس ملتهية بالبيبي والبنوتة الف الحمدلله الولادة كانت ميسرة وسهلة ومرقت بولادة ايجابية بفضل ربنا وبفضلك♥️ بدي اتشكرك من كل قلبي ع كل معلومة مررتيلنا اياها انا وجوزي بالدورة وعلى كل الارشادات إللي اعطتينا اياها الولادة من اولها كانت مع زيروز (פיטוצין) وفتت ع غرفة الولادة بتفتح 1 كنت رافضة اوخذ الابيدورال وحاولوا يقنعوني وانا اجابر ع حالي انه بديش وبهاذ الوقت اشتغلت ع الطابة وعملت كل التمارين وطبعاً بنساش التنفس (عنجد كان يريحني كثير وقت ما ييجي الطلق) ومخشير التنس طول الوقت معي والاوزنيوت بذنيي ومفصولة عن الدنيا ، وطلبت من اول ما فتت مونيتور نيّاد، واشتغلنا انا وجوزي ع كل النقاط اللي بتحفز واللي ساعدن كثير وخففن وجع بعد ٦ ساعات بدون ابيدورال بلشت اتعب ويزيد الوجع لانهم زادوا الפיטוצין فاضطريت اوخذ الابيدورال وكنت بتفتّح ٢ ونص بعد ما اخذت الابيدورال تقدمت الولادة بسرعة ، وبعد ٣ ساعات ونص خلفت وخلال مرحلة الولادة كنت اشد كيف علمتيني 🫶🏻🫶🏻 وبدي احكي كم شغلة مهم انها كل صبية تعرفهن قديش مهم انه الوحدة توخذ دورة تحضير ولادة وبالذات عندك (لانه عنجد بتشرحي من كل قلبك وبتعطي للاخير 🫶🏻🫶🏻) وكمان شغلة انه الوحدة بتتعلم عندك كيف تشد وقت الولادة وبتشرحي الاشي عن طريق المخشير وكمان شغلة مهمة انه بحمد الله انه عرفتك خلال اول حملي لانه ساعدتيني كثير بتقوية عضلات قاع الحوض وبفضل انه عضلات قاع الحوض قويات مصرش عندي تمزق ومتقطبتش من المررررة الحمدلله 🙏🏻🙏🏻 وهاذ كان مهم عندي انه متقطبش بارك الله فيكِ حبيبتي 😘 

تحضير لولادة ثانية

 يسعد أوقاتها👀، عطلتك وقتها غلط يا بنت الحلال😂 خلّفت مبارح عال٤ الصّبح، وصلت المستشفى عال٤ الصّبح ب٣١.١ لأنه نزلت عليّ ميّة الرّاس لمّا وصلت همليتسو لإلي اوخذ زيروز مقبلتش بالأوّل بس بعدين حكوا معي انه خطر عالجنين لأني حيوڤيت لGBS، بالأخير قرّرت اوخذ زيروز عال١١ الظّهر وكنت حاطّة من قبل تينيس لأنه كان عندي طلق خفيف ومكنتش حاسة فيه ساعدني كثير لحدّ تفتّح ثلاث والتينس مساعدني بالإضافة لغاز الضّحك وكمان اخذت بتيدين لأنه معدتش اتحمّل وجع (كل هاد ونا مقررة بديش اشي🤣) لما راح مفعول البتيدين طلبت كمان وجبة عشنو كثير ساعدني حكولي بنفعش بوصل للجنين وخطر عليه بس وجبة بنفع - عانيت قليلًا دون مهدئات بس مع غاز ضحك وتينيس بس علّق تفتّحي عند ٣ ونص خلص قررت بدي ابيدورال لأني بديت اتحوّل😂 بس مهمّ كثير كثير أحكيلك أنّه قدّيش كان التينيس مساعدني لما كان الوجع محتمل وكيف اخفالي الوجع لدرجة محسّش بالطّلق والتّنفّس كيف لازم كثير كثير ساعدني كان كلّه صافن كيف بتعامل مع الطّلق حلو بعد تفتح ٣ ونص اخذت الابرة واخذتها بمينون مزبوط الحمدلله وكنت حاسة بالضّغط وكم طلقة وكنت اتعامل معهن واتنفس صح لحد ما بلّش تفتّح ١٠ بلّشت أشدّ كيف علّمتيني🥹 يمّا شو تذكّرتك ودعيتلك🥹😍 خلّفت بعد ساعة شدّ عال٤ وربع الفجر ب٢/١ بوبو حلو ٣ كيلات و٣٥ غرام🥹 خلّفتتت دون قطب دون تمزّقات مع خدش صغير جدًّا🥹 بحبّك جدًّا شكرًا على النّصائح شكرًا أنّه بفضلك وفضل ربنا انا طالعة من خلفة مش آكلة هم صحتي لأنها بأحسن حال🥹😍😍❤️❤️❤️ 

تحضير لولادة اولى

 عرين القمر مرحبا، البيبي الحمدلله صار مليح وان شاء الله بضل هيك وعندي تفرغ اخرفك عن الولادة. كيف ذاكرة انا كثير بقيت حابة اخلف بدون تدخلات، وبقيتش ناوية اوخذ ابيدورال وكل الحمل جهزت نفسيتي لهاي السيرورة، للاسف مصارش كيف خططت، بقى عندي نزول لمي مكونيالييم وهبوط بنبظ الجنين واضطريت اوخذ بيتوتسين، مفدرتش اتحمل قوة الطلق واخذت ابيدورال، اخذت بقيت تفتح ٢، بس الحمدلله بعدها الولادة تقدمت بسرعة، انا تحركت بالتخت قد ما بغدر وجوزي عملي تمارين باسيڤيت زي كيف علمتينا والاشي حسب رايي سرع الولادة. خلال خمس ساعات بقيت صرت مخلفة الحمدلله. بقاش شق عجان بس بقى تمزق داخلي درجة اولى، عملولي قطب، مع هيك الوجع تبعهن بقى محتمل عالاخر، وخلال يومين بقى الوجع رايح بالمرة. صحيح الولادة ممشتش كيف بدي، بس الحمدلله بقت ميسرة، والبيبي بخير وانا بخير وهذا اهم اشي. تسلمي عنجد على كل الارشاد، ساعدنا كثير بזמן אמת. 

تحضير لولادة اولى

 مرحبا عرين شو الوضع في خبر سار 😅 امبارح شطفت الدار ونمت بالليل بدون اوجاع ظهر 🙈 

علاج امرأة مع اوجاع ظهر - سنه بعد الولادة

 اما اللي ولدتني بعد ما خلصنا بتقلي انت وحده بتعرف تخلف ممتازة 😂😂😂 

 سبحان الله الي يومين بدي اكتبلك رسالة ومتتيسرش الحمد لله رب العالمين انا خلفت قبل اربع اسابيع خلفت بالاسبوع ال ٣٨ والحمد لله ولادتي كانت ميسرة كثير وساعدتني التمارين كثير وحتى القطب كانت خفيفة جدا وبعد بيومين غدرت امارس حياتي عادي الحمد لله بارك الله فيكي عجهدك معنا ❣️ الك حصة كبيرة من التيسير بالولادة 

امراة من جديدة المكر حضرتها للولادة

 --- دكتورتي العزيزة أحب أشكرك من قلبي على اللقاء الرائعة والمُلهم اليوم. فعلاً كانت تجربة مختلفة، مليانة وعي وفهم جديد لجسمي، خصوصًا عن قاع الحوض والتنفس والحجاب الحاجز—معلومات كثيرة كانت جديدة عليّ ومهمة جدًا كتحضير للولادة. أسلوبك في الشرح، وطريقتك الهادئة والمطمئنة، خلتني أحس براحة وثقة أكبر تجاه المرحلة الجاية. بتمنى الكل يمرّ بتجربة توعوية زي هاي، لأنها بتفرق كتير فعلًا. شكرًا لجهودك، ولمشاركتك لعلمك وخبرتك بكل حب. عن جد بنصح أي وحدة حامل أو حتى بعد الولادة تزورك بلعياده لانو اللقاء فتحلي عيوني على أشياء أول مرة بسمع عنها، وكل شي بشرح واضح وبأسلوب مريح.🩷🌸 جهزي حالك للولادة أو حابة تفهمي جسمك أكتر، او بعد لولاده بنصحك تتوجهي عند عرين عمر ما رح تندمي! رح تستفيدي كتير يارب يكون وعي بمجتمعنا عن هاي الامور لمهمه 🤩🤩 

لقاء تحضير قاع الحوض للولادة بعد ما مرقت دورة تحضير ولادة بمستشفى

 صح بحملي الاول مخذتش دورة تحضير ولادة بس بالحمل الثاني اخذت تحضير الولادة عندك واحسن اشي عملته اني تحضرت عندك الحمدلله والصراحة كل صبية حامل بلتقي فيها او بتخطط تفوت لحمل اول اشي بنصحها توخذ تحضير ولادة عندك وبس عندك وكنت اقولهن انه معتقدش حدا عنده مهنية زي عرين وزي شغلها وبقولهن انه الاهم انك بشتغلي على التنفس وطريقة التنفس الصح وبتفرجينا الاشي عن طريق الاولتراساوند وقديش الاشي بساعد بغرفة الولادة انها الوحدة تتنفس صح بفضلك ومن بعد فضل ربنا مرقت بولادة بتجننن ورهيبة 

دورة فردية للتحضير للولادة الثانيه بحضور زوجها